આ જિંદગી ના ચોપડામાં સરવાળો માંડજો
મનને મેતાજી કરી કામે લગાડજો ----- ---આ જિંદગી
આજ સુધી જીવ્યા છો કેટલું ને કેવું
કેટલી કમાણી કરી કેટલું છે દેવું
કાઢી સરવૈયું કોઈ સંત ને બતાવજો -------આ જિંદગી
કેટલી સુધારી વૃત્તિ કેટલી બગાડી
કઈ યાદે ચાલી રહી રહી જિંદગીની ગાડી
પ્રભુ પંથ પામવાને પાટા બદલજો ----------આં જિંદગી
જમા ને ઉધાર તણો કાઢજો તફાવત
કેટલી પ્રભુ ના નામે કરી છે બનાવટ
એક એક પાનું ચિંતનથી ચકાસજો ----------આ જિંદગી
કંઠી પહેરીને કંઠ કેટલાના કાપ્યા
માળા ના મણકા માં માધવને માપ્યા
તિલકથી બુધ્ધિની શુદ્ધિ વધારજો -----------આ જિંદગી
ગીતા ની વાત કહો કેટલી પચાવી
કેટલી કુટેવ કાઢી કેટલી બચાવી
સ્વાધ્યાય થી જીવનને સુંદર બનાવજો --------આ જિંદગી
ભાવ અને ભક્તિ માં મસ્ત બની રાચજો
એક એક ગામડે ગીતાને પહોચાડજો
કામ કરી દાદાના દિલને હલાવજો -------------આ જિંદગી