વાગે છે રે વાગે છે વૃંદાવન મોરલી વાગે છે
તેનો શબ્દ ગગન માં ગાજે છે ---વૃંદાવન
વૃંદા તે વન ને મારગે જાતાં
વ્હાલો દાણ દધિના માંગે છે --- વૃંદાવન
વૃંદા તે વનમાં રાસ રચ્યો છે
વ્હાલો રાસ મંડળમાં વિરાજે છે ---વૃંદાવન
પીળાં પીતાંબર જરકસી જામા
વ્હાલાને પીળો તે પટકો વિરાજે છે ---વૃંદાવન
કાને તે કુંડળ મસ્તકે મુગુટ
હાંરે વ્હાલા મુખ પર મોરલી વિરાજે છે ---વૃંદાવન
વૃંદા તે વન ની કુંજ ગલન માં
વ્હાલો થનક થૈ થૈ નાચે છે ---વૃંદાવન
બાઈ મીરાં કે પ્રભુ ગિરિધર નાગર ના ગુણ
વ્હાલા દર્શન થી દુઃખડા ભાગે છે ---વૃંદાવન