વિધિ ના લખીયા લેખ લલાટે એમજ થાય થાય થાય
શ્રવણ કાવડ લઈને ફરતો સેવા માતપિતા ની કરતો
તીરથે તીરથે ડગલાં ભરતો ચાલ્યો જાય જાય જાય --- વિધિ ના
કરવા માતપિતા ની સેવા શ્રવણ જાયે પાણી ભરવા
ઘડૂલો ભરતાં મૃગલા જેવો અવાજ થાય થાય થાય ---વિધિ ના
દશરથ મૃગયા રમવા આવે મૃગલો જાણી બાણ ચલાવે
બાણે શ્રવણ નો જીવ ચાલ્યો જાય જાય જાય ---વિધિ ના
અંધા માતપિતા ટળવળતા દીધો શાપ જ મરતાં મરતાં
દશરથ પુત્ર વિયોગે જીવડો તારો જાય જાય જાય ---વિધિ ના
જયારે રામજી વન સંચરીયા દશરથ પુત્ર વિયોગે મરીયા
પુનિત કહે છે દુઃખ ના દરિયા ઉભરાઈ જાય જાય જાય ---વિધિ ના