મારી હુંડી સ્વીકારો મહારાજ

મારી હુંડી સ્વીકારો મહારાજ રે શામળા ગિરિધારી

મારી હુંડી શામળિયા ને હાથ રે શામળા ગિરિધારી

રાણાજી એ રઢ કરી વળી મીરાં કેરે કાજ

ઝેરના પ્યાલા મોકલ્યા રે વ્હાલો ઝેરના ઝારણ હર રે ----શામળા  --મારી

સ્તંભ થકી પ્રભુ પ્રગટિયા વળી ધર્યું નરસિંહ રૂપ

પ્રહલાદ ને ઉગારિયો વ્હાલે માર્યો હિરણાકંસ ભૂપ રે ---- શામળા  --મારી

રહેવા નથી ઝુંપડું વળી જમવા નથી જુવાર

બેટાબેટી વળાવિયા રે મેં તો વળાવી ઘર કેરી નાર રે   ---શામળા  --મારી

ગરથ મારું ગોપીચંદ વળી તુલસી હેમના હાર

સાચું નાણું મારો શામળો મારે દોલત માં ઝાંઝ પખાજ રે --શામળા   --મારી