મારે એકાદશી નો ઉપવાસ રે

મારે એકાદશી નો ઉપવાસ રે

મારે આંગણે પધાર્યા અવિનાશ રે

આજે પૂરી મારા મનડા ની આશ રે                   --- મારે એકાદશી

પગના અવાજે મેં તો પારખ્યા પ્રીતમ ને

લટકા કરી ને એણે લલચાવ્યું મન ને

ગમે એના એના મન ની મીઠાશ રે                      ---મારે એકાદશી

આસન આપીને મેં તો બેસાડ્યા શ્યામ ને

પ્રેમ થી પૂજ્યા મેં તો અંતર ના આ રામ ને

આજે ઉછળે છે મન માં ઉલ્લાસ રે                    ---મારે એકાદશી

નખશીશ જોઈ રહી નંદજી ના લાલ ને

દર્શન નું સુખ મળ્યું મારા નયન ને

એના ચરણો માં કીધો મેં વાસ રે                        ---મારે એકાદશી

નયનો મીંચાયા મારા નટવર ના ધ્યાન માં

ગોવિંદ ગુલતાન બન્યા ગોવિંદ ના ગાન માં

મેં તો લીધો પ્રેમ કેરા પાસ માં                             ---મારે એકાદશી