તારી બાંકી રે પાઘલડી નું ફુમતું રે મને ગમતું રે
આ તો કહું છું રે પાતળિયા તને અમથું
તારા પગનું પગરખું ચમચમતું રે
અને અંગ નું અંગરખું તમતમતું રે મને ગમતું રે ---આ તો
પારકો જાણી ને તને ઝાઝું શું બોલવું
ને અણજાણ્યો જાણી તને મન શું ખોલવું
તને છેટો રે ભાળી ને મન ભમતું રે મન ભમતું રે ---આ તો
હાથમાં ઝાલી ડાંગ કડિયાળી
હરિયાળો ડુંગરો આવતો રે હાલી
લીંબુ ની ફાડ જેવી આંખડિયું ભાળી
શરમ મૂકીને તોયે થાઉં શરમાળી
તારા રૂપ નું રે ફૂલ મઘમઘતું રે -મને ગમતું રે ---આ તો
કોણ જાણે કેમ મારી મન ની ભીતર માં એવું તે શું ભરાયું
એક મને ગમતો આભનો ચાંદો ને ને બીજો ગમતો તું
ઘર માં ખેતર માં કે ધરતી ના થર માં
તારા સપન-ન માં મન મારૂં રમતું રે -મને ગમતું રે ---આ તો