મોંઘા મૂલ ની રે મહેંદી મેલી મારે હાથ
સાંવરિયા એ મોકલી મારા દેવરિયા ની સાથ
મારવાડ થી આવી મહેંદી હું અલબેલી નાર
જાગી સારી રાત મૂકી મેં કરી પ્રીતમ ની યાદ
ઘેલી ઘૂમતી રે એમાં સાહેલી ઓ નો સાથ ---મોંઘા
સખીઓ પૂછે પૂછે પડોશી પૂછે વ્હાલેદાર
ક્યાંથી કોણે મોકલી અરે કોણે કરી શી વાત
ક્યારી ફૂલ ની રે એમાં મઘમઘતી સુવાસ ---મોંઘા
રંગી હથેળી રંગીયું ને રંગ્યુ હૃદય પણ સાથ
લાલ ચટકતા રંગ માં નીરખું નાવલિયો સાથ
અરે રે ભૂલ થી રે મેં તો કહી દીધી છે વાત ---મોંઘા